Wilujeung Sasih Saum

Basa Pikeun Urang Sunda

By. KC

Bulan anu dianti-anti

Kiwari bakal balik deui
Hareupeun kawas kamari
Susuganan bisa nepi

Bulan anu didago-dago

Nungguan nepi ka manco

Geus di aya lawang panto

Rebun-rebun geus katenjo

Bulan nu ditunggu-tunggu

Ti baheula mula beh ditu

Najan itungan geus tangtu

Tetep teu nolih na waktu

Bulan puasa nu diteda

Geus cunduk dina waktuna

Nyanggakeun pangbagea

Pamaksudan bisa laksana

Bulan anu agung kacida
Ayeuna di hareupeun dada
Siapkeun bekel asupna
Camkeun naon kahayangna